،’
’،
مني نصيحة يارفيقي ودونك !!
مني وانا اللي بالمودة مصافي
أختر صحيبآ بالخفاء مايخونك ..
ماهو من اللي بالخفايا يعاديك
تشوف صدقه في غيابك يصونك ,,
فعلا تحس انه من القلب يغليك
وقت الشدايد اول اللي يجونك !!
ماهو من اللي بالشدايد يخليك
عونك على دنياه وسلوة حزونك ,,
في ضيقة الخاطر بجنبك يواسيك
ذيب الذيابه مايخيب ظنونك ,,
واليا نصيته قال يامرحبا فيك
لله درة يرتفع فعيونك هذا مكانه..
واحتفظ به بعينيك
وغيره تراب القاع لو هم يبونك
كذب المظاهر لا يغرك ويعميك ,,
لو شفت ضحكتهم فلا يخدعونك
ترى المصالح جمعتهم حواليك ..
واليا انتهى واحدهم انكر امعونك
حتى اتصال وكيف الاحوال ناسيك !!
صحيح بعض الناس يسوى عيونك
والبعض والله مايسوي مواطيك ,,
هذي نصيحة ياخليلي ودونك
معها تحيه من محب مصافيك..
’،
،’
ليست هناك تعليقات:
إرسال تعليق