عــلمــونا كــيف نــنـقـش كيف نـرسم بالنحاس
علمونا كيف نــكـتب كــيــف نبــدع بالــوصــوف
كــيــف نبحر بالمعــاني كيف ناخذ منها اقتباس
عـلــمــونا كـيـف نصبـر كـيف نقوى هالظـروف
كيــف نــبنــي هالمواقف استجـابة للـحــواس
والحــقــايق كــلـهـا عـلمـونـا سـمـع وشـوف
عـلــمــونـــا وعـلمونـــا كــل شـي بالمــقــاس
وان حفظنا كافئونا وان نـســينــا بالــكــفــوف
كـل مـوقـف لـه طـريقـه والجزاء هو الاساس
وفــوق هــذا ســلمـونا ولا منعوا عشق يلوف
ولا عـطـونا درس قـاسي يمنع القلب النعاس
يــمنــع القــلــب يتــمادى ثــم ياخــذنا حـتـوف
بيـن مـوت وبـين شـوق وبـين لـذة سـم كاس
اتـركـونـا للــمـشـاعـر نـحـتـرق لـوعـة وخــوف
نـــحتــرق بطــول مــسافة كلها شـوك يداس
واتركونا فـي الصـحـارى ثوب مشقوق الكتوف
يحـتويـنا قـيظ حــب في عــذابـه مــات نـــاس
لــيــتــهم مــا علــمــونا بــس عـطونا بالوقوف
درس ماشي به نماشي قسوة الحب ويباس
ليتهم بس علــمـونا كــيــف نطفي نــار جـوف
كيف نمنع ذا الــخفـوق ونتركه بـارض مساس
ما يجيبه الـود لــحظه ولا نغني بالحــســوف
ولا نقــول شــلون عـشنا والعمر مـاله قيـاس
هي امــاني والامــاني حــلـمها فينا يطوف
ان خـذتـنــا بالـحقيــقة مـا خــذتنــا باخــتلاس
وليتهم وسط المدارس ما عطونا ذا الحروف
ولا عـطـونا كـيف نرسـم كـيف ننقش بالنحاس
,,,,,,,,,,,,,,,
ليست هناك تعليقات:
إرسال تعليق